Arestado ang dalawang Street Level Individual sa ikinasang buy-bust operation ng mga operatiba ng Polomolok PNP sa Barangay Magsaysay, Polomolok, South Cotabato nito lamang Pebrero 20, 2025.
Kinilala ni Police Lieutenant Colonel Peter L Pinalgan Jr., Acting Chief of Police ng Polomolok Municipal Police Station, ang mga suspek na sina alyas “Wing-wing”, 35 anyos, may asawa at alyas “Mon-mon”, 35 anyos, pawang mga residente ng Polomolok, South Cotabato.
Bandang 11:30 ng gabi nang ikasa ang operasyon ng mga tauhan ng Polomolok Municipal Police Station, South Cotabato Provincial Drug Enforcement Unit, South Cotabato Provincial Intelligence Unit, at Regional Intelligence Division dahilan upang maaresto ang mga suspek.
Nakumpiska mula sa mga suspek ang tatlong pakete ng hinihinalang shabu, isang genuine Php1000 bill na ginamit bilang buy-bust money, isang unit ng Kawasaki Barako 175 kulay asul na may plakang PMS 0835 at isang unit ng Suzuki Raider 150 na walang plaka.
Mahaharap ang mga suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002″.
Patuloy ang Police Regional Office 12 sa pagsasagawa ng mga operasyon upang linisin ang komunidad laban sa ilegal na droga at iba pang uri ng krimen upang matiyak ang kaayusan at kaligtasan sa ating bansa.
