Rizal, Palawan City (February 24, 2022) – Naaresto ang Top 4 Most Wanted Person ng Palawan City sa Barangay Pangobilian, Brookes Point, Palawan City bandang 2:50 ng hapon ng Pebrero 24, 2022.
Naaresto ang suspek sa isinagawang joint operation sa pangunguna ni Police Major Raffy Esperida, Chief ng Brooke’s Point Municipal Police Station (MPS), Rizal Municipal Police Station (MPS), 1st Palawan Provincial Mobile Force Company (PMFC), Palawan Intelligence Unit (PIU), Regional Intelligence Unit (RIU) MIMAROPA at Palawan Investigation and Detective Management Unit (PIDMU).
Kinilala ang suspek na si Dennis Panaligan Capunong, 34 anyos, magsasaka at residente ng Barangay Iraan, Rizal, Palawan City.
Ang suspek ay naaresto sa bisa ng Warrant of Arrest na inisyu ng Regional Trial Court, Branch 47, Puerto Princesa City noong Disyembre 13, 2012, para sa krimeng Statutory Rape, na walang inirekomendang piyansa.
Nasa kustodiya na ngayon si Capunong ng Brooke’s Point MPS habang hinihintay ang kanyang agarang pagbabalik sa korteng nag-isyu ng Warrant of Arrest.
Samantala, lubos na pinuri ni Police Brigadier General Sidney Hernia, Director ng Police Regional Office MIMAROPA, ang mga operatiba sa kanilang sama-samang pagsisikap tungo sa matagumpay na pag-aresto kay Capulong na nagtatago sa batas ng sampung (10) taon.
Hinikayat niya ang mga kapulisan na lalo pang paiigtingin ang kampanya laban sa mga kriminalidad upang magkaroon ng maayos at mapayapang pamayanan sa Palawan City at buong rehiyon.
Source: Police Regional Office MIMAROPA
###
Panulat ni Patrolman Jorge Michael C. Bardiago, RPCADU 4B
