Nasamsam ang tinatayang Php490,152 halaga ng marijuana sa isinagawang buy-bust operation ng mga operatiba ng Bunawan Police Station sa Barangay Ilang, Davao City nito lamang Pebrero 19, 2025.
Kinilala ni Police Major Ian James S Acal, Acting Station Commander ng Bunawan Police Station, ang suspek na si alyas “Kap”, 21 taong gulang, residente ng Barangay Communal, Davao City.
Narekober ang tinatayang 4,084 gramo ng hinihinalang marijuana at mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Sa pamamagitan ng regular na operasyon at proaktibong hakbang, patuloy ang pagsisikap ng mga tauhan ng Police Regional Office 11 upang matiyak na napapanatili ang kapayapaan at kaayusan sa buong Davao Region.
Panulat ni Pat Shairra Rose A Aquino
