Natagpuan ang inabandonang bagong silang na sanggol na babae sa pampublikong palikuran ng Save Oil Gasoline Station sa Barangay Bulala, Camalaniugan, Cagayan nito lamang Pebrero 17, 2025.
Ayon sa Camalaniugan PNP isang tawag sa telepono ang kanilang natanggap mula sa isang concerned citizen hinggil sa bagong panganak na sanggol na iniwan sa nabanggit na lugar na agad naming ni𝗋espondehan ng grupo ni PMSg Eileen G Malazzab na kasalukuyang nagpapatrolya at nakatalaga sa Project POSTE.
Pagdating sa lugar, nadatnan nila ang isang bagong silang na sanggol na babae na walang saplot, walang malay at nakakabit pa ang inunan nito.
Agad namang dinala ang sanggol sa Matilde A Olivas District Hospital kasama ang mga personnel ng MHO Camalaniugan kung saan kinumpirma na nasa ligtas na itong kalagayan at kasalukuyan ng nasa pangangalaga ng DSWD Camalniugan.
Isa lamang ito sa patunay na ang PNP ay palaging handa sa pagtulong at pagtugon sa tawag ng tungkulin para sa publiko, alinsunod sa mandato nito na maglingkod sa bayan anumang oras at panahon.
source: Camalaniugan PNP
Panulat ni PSSg Jeff John Nabasa
