Nakiisa ang Police Regional Office 10 sa inilunsad na “Duterte Legacy” BARANGAYanihan Caravan Towards National Recovery noong September 30, 2021 sa pangunguna ng Presidential Communication Operations Office (PCOO), kasama ang Department of the Interior and Local Government (DILG) at ang Philippine National Police (PNP) na sabay-sabay na isinagawa sa buong bansa.
Isinagawa ang caravan sa City Hall ng El Salvador, Misamis Oriental kung saan ay nakilahok ang lahat ng line agencies ng rehiyon. Kabilang sa mga ahensiya na nakiisa ay ang DILG 10, PIA 10, DSWD, TESDA 10, PRO 10, DOT 10, DOST 10, BFAR 10, DTI 10, DOLE 10, DEPED 10, DPWH 10, DA 10, NIA 10, 4ID at COAST GUARD 10.
Sinimulan ang programa sa isang motorcade mula sa Opol, Misamis Oriental patungong El Salvador City Hall kung saan nagsagawa ng maikling programa na dinaluhan mismo ni Honorable Mayor Edgar S Lignes ng El Salvador at nagbigay ng kanyang welcome remarks sinundan ito ng Duterte Legacy Presentation ni Director Frank Gumapon ng PIA 10 habang nagbigay din ng mga mensahe ang mga Regional Directors ng mga Government Agencies at mga patotoo mula sa mga benepisyaryo ng iba’t-ibang programa ng Gobyerno.
Ilan sa mga aktibidad ay ang pagsasagawa ng One-Stop Shop ng mga serbisyo ng gobyerno, kagaya ng social welfare assistance, livelihood grants at educational at training, bukod sa iba pa.
Ang Caravan ay pupunta sa iba`t ibang lungsod, munisipalidad at maging sa mga barangay upang matiyak na ang #DuterteLegacy ay nararanasan ng bawat Pilipino.
###
Article by: NUP Sheena Lyn M Palconite
