Arestado ng mga awtoridad ang isang lalaking tinaguriang Top 1 Municipal Most Wanted Person sa Bayan ng Sta. Barbara, Pangasinan nito lamang Sabado, ika-15 ng Pebrero, 2025.
Kinilala ni Police Lieutenant Colonel Michael S Datuin, Officer-In-Charge, ang suspek na si alyas “Melong”, 19 taong gulang, isang delivery boy at residente ng Barangay Tuliao, Sta. Barbara, Pangasinan.
Naaresto ang suspek sa Barangay Poblacion Norte, Sta. Barbara, Pangasinan ng mga operatiba ng Sta. Barbara Municipal Police Station sa bisa ng Warrant of Arrest dahil sa kasong 2 Counts of Statutory Rape na walang inirekomendang piyansa.
Patuloy ang epektibo at mas pinaigting na kampanya ng mga kapulisan laban sa masasamang elemento ng lipunan upang mapanatiling ligtas at payapa ang komunidad.
Source: Sta. Barbara Municipal Police Station
Panulat ni PMSg Bader Ceasar Ayco
