Arestado ang dalawang snatchers na tumangay ng gold necklace ng isang biktimang senior citizen matapos itong agarang marespondihan at maaresto ng kapulisan ng Cebu City sa ML Quezon St., Barangay Talamban, Cebu City, noong ika-11 ng Pebrero 2025.
Kinilala ni Police Major Alvino Bagnol Enguito, Station Commander ng Police Station 8, Cebu City Police Office, ang dalawang suspek na sina Jackson, 39-anyos at James, 28-anyos na parehong mga residente ng Sta. Cruz, Barangay Labangan, Zamboanga.
Positibong itinuro ng biktima ang dalawang suspek na nagtangkang dukutin ang kanyang pag-aaring gold necklace at pendant na nagkakahalaga ng Php120,000.
Kaagad naaresto ng mga kapulisan ang dalawang suspek sa tulong ng mga mamamayan. Narekober mula sa mga ito ang kwintas, isang short firearm 357 revolver, dalawang bala, at slingbag na may lamang cards at ID.
Kasalukuyang nasa kustodiya ng Police Station 8 ang mga suspek at mahaharap sa kasong theft at paglabag sa Republic Act 10591 kaugnay sa COMELEC Gunban.
Ang kapulisan ng Cebu City ay walang tigil sa pagsasagawa at pagpapaigting ng kampanya laban sa anumang uri ng kriminalidad dahil sa Bagong Pilipinas, ang gusto ng Pulis, ligtas ka!.
Source: CCPO SR
