Nakumpiska ang Php2,516,000 halaga ng ilegal na droga sa naarestong High Value Individual sa buy-bust operation ng pinagsanib na pwersa ng Drug Enforcement Team ng Antipolo Component City Police Station at PDEA sa Barangay Mambugan, Antipolo City, Rizal nito lamang ika-10 ng Pebrero, 2025.
Kinilala ni Police Colonel Felipe Maraggun, Provincial Director ng Rizal Police Provincial Office, ang suspek na si alyas “Kuya”, 52 taong gulang at residente ng San Juan City.
Nakuha mula sa suspek ang humigit kumulang 370 gramo ng hinihinalang shabu na may Standard Drug Price na Php2,516,000.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Binigyang diin naman ni PCol Maraggun, na ang kapulisan ng Rizal ay patuloy na lalabanan at hindi titigil sa pagsugpo ng mga mga ilegal na droga. Sinisiguro ng Rizal PNP na ang mga mamamayan at probinsya ng Rizal ay ligtas mula sa mga ilegal na aktibidad, ilegal na droga, at kriminalidad.
Source: Rizal PPO
Panulat ni Patrolwoman Pricelle May T Urbano
