Nagsagawa ang mga tauhan ng Nueva Ecija PNP ng Drug Awareness Lecture sa mga residente ng Barangay Piut, Caranglan, Nueva Ecija nito lamang Martes ika-11 ng Pebrero 2025.
Pinangunahan ito ni Police Captain Pepe H Alindayo Jr., Team Leader ng 2nd Nueva Ecija Provincial Mobile Force Company.
Tampok sa talakayan ang iba’t ibang uri ng droga, ang masamang epekto nito sa kalusugan, at ang mga kaparusahang maaaring harapin ng sinumang mahuling gumagamit o nagbebenta ng ipinagbabawal na gamot.
Layunin ng aktibidad na mapalawak ang kaalaman ng komunidad tungkol sa masamang epekto ng paggamit ng iligal na droga. Hinahangad din nitong hikayatin ang mga mamamayan na umiwas sa anumang uri ng droga upang mapangalagaan ang kanilang kalusugan at magkaroon ng mas maayos at ligtas na pamumuhay.
Patunay lamang na ang Pambansang Pulisya ay patuloy sa paghahatid ng serbisyo kontra kriminalidad upang magkaroon ng maayos at maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Pearl Crystalynne Javier
