Arestado ang isang babaeng wanted person matapos hainan ng Warrant of Arrest ng mga tauhan ng Buldon Municipal Police Station sa kasong Murder sa Sitio Center, Barangay Kulimpang, Buldon, Maguindanao del Norte nito lamang ika-9 ng Pebrero 2025.
Kinilala ni Police Captain Tony A Dimaro, Chief of Police ng Buldon MPS, ang suspek na si alyas “Fati”, 39 anyos at residente ng naturang lugar.
Bandang 5:55 ng hapon nang isagawa ng mga tauhan ng Buldon MPS katuwang ang Provincial Investigation Unit Maguindanao Del Norte ang operasyon na nagresulta sa pagkakaaresto ng suspek sa bisa ng Warrant of Arrest sa kasong Murder na walang piyansa.
Patuloy naman ang Maguindanao del Norte PNP sa pagpapaigting ng kampanya kontra kriminalidad upang makamit ang maayos at maunlad na Bagong Pilipinas.
Panulat ni Pat Veronica Laggui
