Arestado sa ikinasang buy-bust operation ng Valenzuela City Police Station ang isang 36-anyos na lalaking High Value Individual (HVI) at nakumpiska ang humigit-kumulang 52 gramo ng hinihinalang shabu nito lamang Sabado, Pebrero 8, 2024.
Ayon kay Police Colonel Josefino Ligan, Acting District Director ng Northern Police District, nangyari ang operasyon ng Station Drug Enforcement Unit (SDEU) ng Valenzuela CPS bandang 9:40 ng gabi sa ilalim ng footbridge sa kahabaan ng West Service Road, Barangay Paso De Blas.
Nagresulta ito sa pagkakahuli sa suspek na kilala sa alyas na “Jay,” at nasamsam ang tatlong sachet ng hinihinalang shabu na nagkakahalaga ng Php353,600, buy-bust money, at isang dark brown na coin purse.
Mahaharap ang suspek sa kasong paglabag sa Section 5 (Sale of Dangerous Drugs) at Section 11 (Possession of Dangerous Drugs) ng Article II ng Republic Act 9165 o ang “Comprehensive Dangerous Drugs Act of 2002”.
Nananatiling matatag ang PNP sa pagtugis ng mga sindikato ng ilegal na droga sa Metro Manila upang mas lalong gumanda at lumakas ang ekonomiya para sa isang maunlad na bansa.
Source: NPD PIO
