Dalawang indibidwal na kapwa kabilang sa listahan ng Street Level Individual ang arestado sa isinagawang anti-Illegal drug buy-bust operation sa Barangay Sampaloc, Cabatuan, Isabela noong ika-5 ng Pebrero 2025.
Kinilala ni Police Major Romeo Mabea, Chief of Police ng Cabatuan Police Station ang mga suspek na si alyas “Cesar” at alyas ” Damian” na may kasong paglabag sa Republic Act 9165 o “Comprehensive Dangerous Drugs Act of 2002”, R.A. 10591 o “Comprehensive Firearms and Ammunition Regulation Act” at BP 881 na may kaugnayan sa COMELEC Resolution No. 11067 o “Omnibus Election Code”.
Ayon kay PMaj Mabea, nahuli ang mga suspek sa pinagsanib na pwersa ng Cabatuan Police Station sa pakikipagkoordinasyon sa PDEA RO2 Isabela Provincial Office at PIU-PDEU.
Nakumpiska sa mga suspek ang isang (1) piraso ng nakaselyong pakete na naglalaman ng hinihinalang shabu (buy-bust item), isa pang (1) piraso ng nakaselyong pakete na naglalaman ng hinihinalang shabu (possession), isang (1) piraso ng genuine Php1,000.00 peso bill, dalawang (2) piraso ng Php500 peso bill boodle money (buy-bust money), isang (1) unit ng Cellphone Oppo A18 na pagmamay-ari ni alyas “Cesar” kasama ng personal na pera nito na nagkakahalaga ng Php1,454, isang (1) piraso ng itim na pouch, isang (1) piraso ng colored pouch; isang (1) unit ng itim na Honda Click na walang plaka at isang (1) unit ng Cal.38 revolver.
Isinagawa naman ang masusing imbentaryo at pagmamarka ng mga nakumpiskang mga ebidensiya sa lugar na pinangyarihan sa presensya ng mga suspek na nasaksihan naman ng kinatawan mula Media, DOJ at Barangay Officials ng nasabing lugar.
Sa mensahe ni Police Colonel Lee Allen Bauding, Provincial Director ng Isabela PPO na ipagpapatuloy ang mga ganitong operasyon upang masiguro ang kaligtasan ng bawat Isabeliño lalo na sa ilegal na droga at pag-iingat ng mga armas na hindi lisyensyado at hindi otorisado na maaaring magamit sa anumang uri ng karahasan.
Source: PNP Isabela
Panulat ni Patrolman Erwin Calaus
