Arestado ang Top 2 Municipal Most Wanted Person ng mga tauhan ng Bayambang Municipal Police Station nito lamang ika-3 ng Pebrero, 2025, sa Barangay Magsaysay, Bayambang, Pangasinan.
Kinilala ang suspek na si Jun-Jun Orlanda Junio, 30 anyos, magsasaka, residente ng Barangay Iton, Bayambang, at isa sa mga pangunahing wanted na suspek sa bayan ng nabanggit na lugar.
Inaresto ang suspek batay sa Warrant of Arrest para sa kasong Lascivious Conduct na may kaugnayan sa Republic Act 7610 at RA 11648 na may halagang Php200,000 na piyansa para sa pansamantalang kalayaan ng suspek.
Matapos ang kanyang pagkakaaresto, ipinaalam sa suspek ang kanyang mga karapatan sa ilalim ng batas, gamit ang body-worn camera, at dinala siya sa Bayambang District Hospital para sa medikal na pagsusuri. Pagkatapos nito, siya ay dinala sa Bayambang MPS para sa kaukulang disposisyon.
Ang pagkaaresto sa suspek ay bahagi ng patuloy na pagsusumikap ng lokal na pulisya na tugunan ang mga isyu ng pang-aabuso sa bata at sekswal na pang-aabuso, lalo na sa ilalim ng mga probisyon ng RA 7610 na naglalayong protektahan ang mga bata mula sa pagsasamantala at pang-aabuso.
