Arestado ng Daet PNP isang High Value Individual sa isang matagumpay na operasyon na isinagawa noong Pebrero 2, 2025, dakong alas-12:20 ng madaling araw sa Barangay San Isidro, Daet, Camarines Norte.
Ang operasyon ay nagresulta sa pagkakakumpiska ng 12 gramo ng shabu na may kabuuang halagang Php81,600. Ang naturang droga ay nakuha mula sa isang 41-anyos na lalaking suspek na nakatala bilang High Value Individual.
Pinangunahan ng mga tauhan ng Daet MPS ang operasyon, katuwang ang Camarines Norte Provincial Intelligence Unit, PPDEU, at sa koordinasyon ng PDEA ROV.
Ang operasyon ay bahagi ng patuloy na kampanya ng PNP Bicol laban sa iligal na droga sa rehiyon at sa pagtugis sa mga personalidad na sangkot sa pagpapalaganap nito.
Kasalukuyang nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Bilang bahagi ng mandato ng PNP, magpapatuloy ang Daet Municipal Police Station sa pagsasagawa ng mga anti-illegal drugs operations. Patuloy ding pinapalakas ng PNP Bicol ang mga hakbang upang mapalawak ang kaalaman ng publiko sa masamang epekto ng droga sa kalusugan at kaligtasan, gayundin ang pagpapahalaga sa kooperasyon ng komunidad upang masugpo ang ilegal na droga sa rehiyon.
Panulat ni PSSg Mercolito P Lovendino Jr
