Arestado ng Iligan City PNP ang isang Wanted Person sa kasong paglabag sa Republic Act 9262 sa isinagawang manhunt Charlie operation sa Sitio Tag-ibo, Barangay Dalipuga, Iligan City nito lamang ika-3 ng Pebrero 2025.
Kinilala ni Police Captain Gil L Pantinople, Deputy Station Commander ng Iligan City Police Station 3, ang suspek na si alyas “Rey”, 49, lalaki, construction worker at residente ng Barangay Dalipuga, Iligan City.
Nadakip ng mga tauhan ng iligan City Police Station 3 ang suspek sa bisa ng Warrant of Arrest sa kasong paglabag sa RA 9262 o “Anti-Violence Against Women and their Children Act of 2004”.
Patuloy ang Police Regional Office 10 sa pagsasagawa ng mga operasyon para mahuli ang mga taong may pananagutan sa batas upang mapanatiling ligtas at payapa ang nasasakupang komunidad.
