Nasamsam ng higit Php1 milyong halaga ng shabu sa buy-bust operation ng pulisya sa Barangay Mali-ao, Pavia, Iloilo bandang 6:12 ng umaga, nito lamang ika-1 ng Pebrero 2025.
Kinilala ni Police Lieutenant Gabriel Manguera, Deputy Chief of Police ng Pavia Municipal Police Station, ang suspek na si alyas “Blonde,” 44-anyos, may-asawa, delivery truck driver, residente ng Barangay Ungka, Jaro, Iloilo City at itinuturing na isang High Value Individual (HVI).
Naisakatuparan ang operasyon sa pangunguna ng Pavia Municipal Police Station Drug Enforcement Team, katuwang ang Iloilo Police Provincial Office – Provincial Drug Enforcement Unit (IPPO-PDEU) at Iloilo Maritime Special Task Group (MARSTA).
Sa isinagawang buy-bust operation, ibinenta ng suspek sa isang pulis puseur buyer ang isang (1) heat-sealed na transparent plastic sachet na naglalaman ng hinihinalang shabu kapalit ng halagang Php15,000 bilang buy-bust money.
Nakumpiska rin ng mga operatiba ang humigit kumulang 150 gramo ng hinihinalang shabu na may estimated Standard Drug Price na Php1,020,000.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy na nagpapatupad ng mas pinahigpit na kampanya kontra iligal na droga ang Pavia MPS at hinihikayat ang publiko na agad ipagbigay-alam sa mga kapulisan ang anumang kahina-hinalang aktibidad sa kanilang komunidad.
Source: PCADG Western Visayas
Panulat ni Pat Ledilyn Bansagon
