Nasamsam ng mga tauhan ng Pampanga PNP ang mahigit Php544,000 halaga ng hinihinalang shabu mula sa apat na High Value Individuals (HVI) matapos ang matagumpay na buy-bust operation sa Barangay Sto. Niño, City of San Fernando, Pampanga dakong 2:30 ng madaling araw nito lamang Huwebes, ika-30 ng Enero 2025.
Kinilala ni Police Brigadier General Jean S Fajardo, Regional Director ng Police Regional Office 3, ang mga suspek na sina alyas “Bianca,” “Glo,” “Dan,” at “Seph”, mga residente ng Barangay San Pedro Cutud, City of San Fernando, Pampanga.
Ayon kay PBGen Fajardo, naaresto ang mga suspek sa ikinasang operasyon ng Intelligence at Special Drug Enforcement Unit (SDEU) ng City of San Fernando Police Station.
Nasamsam mula sa mga suspek ang 80 gramo ng hinihinalang shabu na may tinatayang halagang Php544,000 at iba pang non-drug evidence.
Ang mga suspek ay mahaharap sa kasong paglabag sa Section 5 at 11 ng Republic Act 9165 o ang “Comprehensive Dangerous Drugs Act of 2002”.
Patuloy na hinihikayat ng Pampanga PNP ang publiko na makipagtulungan sa mga awtoridad sa pagbibigay ng impormasyon upang mapanatili ang kaayusan at masugpo ang kriminalidad sa kanilang nasasakupan.
Panulat ni Pat Lixen Reyz A Saweran
