Nagsagawa ang PNP Officers’ Ladies Club Foundation Incorporated (OLCFI) ng “LAB Virus Program” na ginanap sa PRO 8 Multi-Purpose Hall Camp Sec. Ruperto K Kangleon, Campetik, Palo, Leyte nito lamang ika-30 ng Enero 2025.
Ito ay pinangunahan ni Mrs. Mary Rose P Marbil, National Adviser ng PNP OLCFI, katuwang ang iba pang kasapi ng foundation na dinaluhan ng mga mag-aaral sa daycare center at mga benepisyaryo ng Damayang Otso.
Itinampok sa kaganapan ang isang serye ng mga aktibidad, kabilang ang pagbibigay ng regalo sa 47 daycare pupils, ang donasyon ng dalawang TV set sa Camp Kangleon Child Development Center, at ang pamamahagi ng tulong sa ilalim ng inisyatiba ng “LAB Virus” sa 16 Damayang Otso Beneficiaries.
Ayon kay Mrs. Marbil, ang Love and Blessing Virus Program o “LAB VIRUS” (Love and Blessings – Spreading love in every touch) ay idinisenyo upang magbigay ng emosyonal na suporta at tulong pinansyal sa mga tauhan ng PNP at sa kanilang mga pamilya na nakakaranas ng mga isyu sa kalusugan.
Layunin ng programa na magbigay ng suporta at tulong sa mga miyembro ng PNP at kanilang pamilya na nahaharap sa mga pagsubok sa kalusugan at itaguyod ang diwa ng pagkakaisa at malasakit sa hanay ng kapulisan para sa mas matatag na Bagong Pilipinas.
Panulat ni Patrolwoman Sherie-ann Masi
