Boluntaryong nagbalik-loob sa pamahalaan ang isang miyembro ng Communist Terrorist Group sa mga tauhan ng Josefina Municipal Police Station sa Josefina, Zamboanga del Sur nito lamang ika- 27 ng Enero 2025.
Kinilala ni Police Colonel Restituto Pangusban, Provincial Director ng Zamboanga del Sur Police Provincial Office, ang sumuko na si alyas “Joy”, 58 anyos, lalaki at residente ng Purok Binunga, Barangay Upper, Bagong Tudela, Josefina, Zamboanga del Sur.
Ang sumuko ay dating miyembro ng Hingpit Nga Organisadong Masa at district committee “Junick” Western Mindanao Regional Party Committee at nagbalik-loob sa pamahalaan sa pagnanais na mamuhay ng maayos at tahimik kasama ang kanyang pamilya.
Agad naman itong nakatangap ng cash assistance at isang sakong bigas.
Sa ilalim ng programa ni Pangulong Ferdinand Marcos Jr., na naglalayong sugpuin ang insurhensiya, ang Pambansang Pulisya ay patuloy na hinihikayat ang mga natitira pang miyembro at tagasuporta ng Communist Terrorist Group na magbalik-loob sa pamahalaan at samantalahin ang programa nitong E-CLIP o Enhanced Comprehensive Local Integration Program at magkaisa tungo sa isang Bagong Pilipinas.
Panulat ni Pat Joyce Franco
