Arestado ang tinaguriang Top 10 City High Value Individual matapos sa isinagawang buy-bust operation ng Calinan Police Station sa Barangay Lacson, Calinan District, Davao City nito lamang ika-30 ng Enero, 2025.
Ayon naman kay Police Major Robel B Saavedra, Acting Station Commander ng Calinan Police, ang suspek ay kinilalang si alyas “Lab-Lab”, 38 taong gulang, isang konduktor ng jeep at residente ng Teacher Village, Barangay Calinan, Poblacion, Davao City.
Nakuha ang 5.45 na gramo ng shabu na nagkakahalaga ng tinatayang Php18,500 at iba pang non-drug evidence.
Kasong paglabag sa Republic Act 9165 o ang “Comprehensive Dangerous Drugs Act of 2002” ang suspek.
Patuloy namang hinihimok ng Police Regional Office 11 ang kooperasyon at aktibong partisipasyon sa mga programa ng kapulisan—tulad ng pagsunod sa mga batas, pagtulong sa mga operasyon laban sa kriminalidad, at pagiging alerto sa mga usapin ng seguridad sapagkat ito ay pundasyon ng isang mas matatag na komunidad.
Panulat ni Pat Shairra Rose A Aquino
