Isinagawa ng Police Community Affairs and Development Group sa pamumuno ni Police Colonel Marvin Joe C Saro, Director, ang SAF 44: Isang Dekada ng Kagitingan On-the-Spot Painting Contest sa na ginanap sa Bulwagang Lapulapu, Camp BGen Rafael T Crame, Quezon City nito lamang Enero 23, 2025.
Naging Panauhing Pandangal at Tagapagsalita sa nasabing aktibidad si Ginang Mary Rose Marbil, ang maybahay ni Police General Rommel Francisco D Marbil, Hepe ng Pambansang Pulisya ng Pilipinas at Adviser ng PNP Officers Ladies Club Foundation, Inc.
Ang makabuluhang kaganapang ito ay inorganisa bilang paggunita sa ika-10 Anibersaryo ng kabayanihan ng SAF 44, na ang katapangan at dedikasyon ay nananatiling nakaukit sa puso ng sambayanan.
Ang On-the-Spot Painting Contest na ito ay nagbigay daan para sa mga pintor na ipakita ang pagkamalikhain sa kanilang mga obra ang diwa ng kagitingan at katangi-tanging sakripisyo ng SAF 44.
Patuloy na isinasabuhay ng Pambansang Pulisya ang kabayanihan at katapangan ng lahat ng mga miyembro nito mula noon hanggang ngayon, na siyang nagsisilbing gabay ng lahat ng mga aktibong miyembro upang ipagpatuloy ang mandatong pangalagaan ang bayan at mamamayan.
Photo Courtesy of PNP PIO
