Nasabat ang tinatayang Php388,280 halaga ng shabu mula sa tinaguriang Top 3 High Value Individual sa isinagawang buy-bust operation sa Purok Santan, Luna Ext., Barangay Zone III, Digos City, Davao del Sur nito lamang Enero 23, 2025.
Ang nasabing operasyon ay pinangunahan ng Regional Police Drug Enforcement Unit (RPDEU) 11 katuwang ang mga tauhan ng Provincial Drug Enforcement Unit at Digos City Police Station.
Ayon kay Police Major Maynard D Pascual, Hepe ng Regional Police Drug Enforcement Unit 11, ang suspek na si alyas “Ta”, 47 anyos at residente ng Barangay Sinargan, Matanao.
Narekober mula sa suspek ang 57.10 gramo ng shabu at iba pang non-drug evidence.
Patuloy naman ang karagdagang imbestigasyon kaugnay sa kasong paglabag sa Republic Act 9165 o ang “Comprehensive Dangerous Drugs Act of 2002”.
Sa pamamagitan ng mga regular na operasyon at proaktibong aksyon ng PNP, iba pang ahensya ng pamahalaan at suporta ng publiko patuloy na mananatili ang payapa at maunlad na komunidad.
Panulat ni Pat Shairra Rose A Aquino
