Arestado ng mga operatiba ng Urbiztondo Municipal Police Station ang isang Wanted Person sa paglabag ng Republic Act 9262 nito lamang Miyerkules, ika-22 ng Enero 2025.
Kinilala ni Police Major Rommel DL Sembrano, Chief of Police, ang suspek na si alyas “Onong”, 26 taong gulang at residente ng Barangay Salavante, Urbiztondo, Pangasinan.
Naaresto ang suspek sa bisa ng Warrant of Arrest sa kasong paglabag ng Republic Act 9262 o “Anti-Violence Against Women and Their Children Act of 2004”.
Nadakip ang suspek sa kanyang tinitirhan bandang alas-otso ng gabi ng pinagsanib ng mga operatiba ng Urbiztondo Municipal Police Station at Pangasinan Police Provincial Office.
Ang pagkakadakip sa suspek ay isang patunay ng epektibong pagganap ng mga kapulisan ng kanilang mandato na panatilihing ligtas at payapa ang pamayanan.
Source: Urbiztondo Municipal Police Station Panulat ni PMSg Bader Ceasar Ayco
