Arestado ang dalawang High Value Individual sa isinagawang buy-bust operation sa pangunguna ng Regional Police Drug Enforcement Unit (RPDEU) 11 sa Purok 39, Lumikad, Barangay Maa, Davao City nito lamang Enero 22, 2025.
Katuwang sa nasabing ang operasyon ang mga tauhan ng City Drug Enforcement Unit, Ecoland Police Station at naging matagumpay sa aktibong koordinasyon ng PDEA.
Kinilala naman ni Police Major Maynard D Pascual, Hepe ng RPDEU 11, ang mga suspek na sina alyas “Nes”, 43 taong gulang at alyas “Joy”, 36 taong gulang na pawang mga residente ng lungsod ng Davao.
Narekober ang 7.3 gramo ng shabu na may tinatayang halaga na Php53,040 at iba pang non-drug evidence.
Kasong paglabag sa Republic Act 9165 o ang “Comprehensive Dangerous Drugs Act of 2002” ang kakaharapin ng suspek.
Sa patuloy na pagsisikap ng Police Regional Office 11 at aktibong suporta ng komunidad, inaasahan ang mas mabilis at epektibong pagpapatupad ng batas sa buong rehiyon ng Davao.
Panulat ni Pat Shairra Rose A Aquino
