Kusang-loob na sumuko ang isang miyembro ng New People’s Army (NPA) sa Bario sa mga otoridad sa Camp Col. Adolfo Catriz Eufemio, San Jose Norte, Manabo, Abra nito lamang Enero 16, 2025.
Kinikala ni Police Colonel Gilbert A Fati-ig, Provincial Director ng Abra Police Provincial Office, ang nagbalik-loob bilang isang 58 anyos na binata, magsasaka, residente ng Sallapadan, Abra, at kasapi sa ilalim ng ISKWAD Uno, Kilusang Larangang Gerilya (KLG) North.
Sumuko ang nasabing lalaki nang walang armas matapos ang puspusang negosasyong isinagawa ng PNP upang kumbinsihin ang mga biktima ng maling propaganda na magbalik-loob at yakapin ang programang pangkapayapaan ng gobyerno.
Patuloy naman ang panawagan ng PNP sa mga natitirang miyembro ng teroristang grupo na magbalik-loob sa gobyerno upang tuluyang mamuhay nang mapayapa kasama ang kanilang mga pamilya.
