Arestado ang isang dating barangay chairman at apat pang indibidwal sa ikinasang anti-drug operation sa Rajah Buayan, Maguindanao del Sur noong Enero 16, 2025.
Kinilala ni Police Captain Joel Lebrilla, Chief of Police ng Rajah Buayan Municipal Police Station, ang mga suspek na sina alyas “Ansa,” dating Kapitan ng Barangay Pidsandawan; alyas “Abu”; alyas “Ali”; alyas “Andang”; at alyas “Hassan,” na pawang mga residente ng nasabing lugar.
Ayon kay PCpt Lebrilla, si alyas “Ansa” ang pangunahing target ng operasyon at siyang nakipagtransaksyon sa mga operatiba kaugnay ng iligal na bentahan ng droga.
Sa isinagawang operasyon, nasamsam mula sa mga suspek ang ilang pakete ng hinihinalang shabu na tinatayang nagkakahalaga ng Php34,500, buy-bust money at ilang non-drug items.
Kasong paglabag sa Republic Act 9165 o ang “Comprehensive Dangerous Drugs Act of 2002” ang kakaharapin ng suspek.
Patuloy ang isinasagawang imbestigasyon ng PNP upang matukoy ang iba pang posibleng kasabwat at mapalakas ang kampanya kontra droga sa rehiyon.
Panulat Ni Patrolwoman Ma. Señora Agbuya
