Nakumpiska ang umabot ng Php408,000 halaga ng shabu sa Top 7 Regional Priority Target List sa ikinasang buy-bust operation ng mga awtoridad nito lamang ika-11 Enero 2025 sa Barangay Cogon, Balingasag, Misamis Oriental.
Kinilala ni Police Colonel Wilbur M Salaguste, Provincial Director ng Misamis Oriental Police Provincial Office, ang suspek na si alyas “Jay”, 32 anyos at residente ng nasabing lugar na tinguriang Top 7 Regional Priority Target List.
Sa buy-bust operation ay nakumpiska ang walong pakete ng hinihinalang shabu na may timbang na nasa 60 gramo na may street value na Php408,000 at isang Php500 bill na ginamit bilang buy-bust money ng mga operatiba ng Provincial Drug Enforcement Unit – MisOr kasama ang Balingasag Municipal Police Station.
Nahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Misamis Oriental PNP ay patuloy sa pagsasagawa ng mga operasyon kontra ilegal na droga at anumang krimen upang mapanatiling ligtas at payapa ang nasasakupang probinsya.
