Pormal nang sinimulan ang Commission on Elections o COMELEC Checkpoints para sa pagsiguro ng seguridad sa darating na halalan nito lamang Enero 12, 2025 sa Polomok, South Cotabato.
Sa ilalim ng direktang pamumuno ni Police Lieutenant Colonel Peter L Pinalgan Jr., Acting Chief of Police ng Polomolok Municipal Police Station, pinatupad ang COMELEC Checkpoint na sabay-sabay na isinagawa ng PNP at iba pang Law enforcement agencies sa buong bansa.
Ang paglalagay ng mga checkpoints ay bahagi ng mahalagang hakbang upang matiyak ang isang ligtas, maayos, at mapayapang proseso ng halalan.
Tiniyak ng Polomolok PNP sa publiko ang patuloy na dedikasyon sa mas pinaigting na pagpapatupad ng batas at mahigpit na pakikipag-ugnayan sa mga katuwang na ahensya upang maisulong ang isang ligtas at maayos na halalan.
Ang hakbanging ito ay bahagi ng isang nagkakaisang pambansang hangarin na protektahan ang kasagraduhan ng halalan.
