Arestado sa operasyon ng Iligan City PNP ang isang Wanted Person sa kasong Murder sa Don Pedro Celdran Avenue Tubod, Iligan City nito lamang ika-9 ng Enero 2025.
Kinilala ni Police Captain Michael Angelo C Roldan, Acting Station Commander ng Iligan City Police Station 4, ang suspek na si alyas “Doods”, 46 anyos, at residente ng Purok 6 Palao, Iligan City.
Nadakip ang suspek bandang 10:00 ng umaga sa isinagawang manhunt operation ng mga tauhan ng Iligan City Police Station 4 Tracker Team sa bisa ng Warrant of Arrest sa kasong Murder na walang inirekomendang piyansa.
Patuloy ang Iligan City PNP sa pagsasagawa ng mga operasyon laban sa mga wanted persons na nagtatago sa batas, upang mapanatili ang seguridad, payapa, at maunlad na komunidad.
