Timbog ang isang High Value Individual sa ikinasang buy-bust operation ng Tacloban City PNP sa Barangay 91 Abucay, Tacloban City nito lamang Enero 08, 2025.
Kinilala ni Police Major Juan Eliezer A Abellon, Chief of Police ng Tacloban City Drug Enforcement Unit, ang suspek na si alyas “Agaron”, 38 anyos at residente ng Barangay 50-A Young Field, Tacloban City.
Bandang 6:23 ng gabi nang ikasa ang operasyon ng mga tauhan ng Tacloban City Police Office – City Drug Enforcement Unit kasama ang Tacloban City Intelligence Unit sa koordinasyon sa Philippine Drug Enforcement Agency 8.
Narekober mula sa suspek ang dalawang pakete ng hinihinalang shabu na may tinatayang timbang na 50 gramo na nagkakahalaga ng Php340,000, isang coin purse, isang genuine 500-peso bill kasama ang siyam na pirasong 1,000-peso bill at isang 500-peso bill na ginamit bilang buy-bust money.
Mahaharap ang suspek sa kasong paglabag sa Section 5 at 11 Article II ng Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pagpapaigting ng Tacloban City PNP katuwang ang iba pang ahensya ng gobyerno sa kampanya laban sa ilegal na droga upang matiyak ang kaayusan at kapayapaan sa nasasakupan. Dahil sa Bagong Pilipinas, ang gusto ng pulis, ligtas ka!.
Panulat ni Patrolwoman Ma. Elena B Singian
