Isinagawa ng mga miyembro ng Tarlac 2nd Provincial Mobile Force Company ang Community Outreach Program para sa mga mag-aaral ng Banaoang West Elementary School sa Barangay Banaoang West, Moncada, Tarlac nito lamang Martes, ika-8 ng Enero 2025.
Ang aktibidad na ito ay pinangunahan ng Tarlac 2nd Provincial Mobile Force Company sa pamumuno ni Police Lieutenant Colonel Arnold P Valenzuela, Force Commander, katuwang mga miyembro ng Moncada Sandigan Eagles Club.
Isinagawa ang nasabing aktibidad sa pamamagitan ng feeding program na naglalayong makapagbigay tulong sa pamamagitan ng pag-abot ng serbisyo lalo na usaping pang kalusugan at maipabatid sa ating mga kabataan ang kahalagahan ng wastong pagkain o nutrisyon upang mapabuti ang kanilang pag-aaral.
Patuloy ang PNP kasama ang iba’t ibang organisyasyon sa pagsasagawa ng ganitong aktibidad upang maipadama ang malasakit at mapanatili ang magandang ugnayan ng kapulisan at komunidad tungo sa maunlad at mapayapang Bagong Pilipinas.
Panulat ni at Digna Jane Tenorio Malubay
