Arestado ng mga awtoridad ang lalaking nagpaputok ng kanyang baril sa Barangay Bialong, Mlang, Cotabato nito lamang ika-6 ng Enero 2025.
Kinilala ni Police Lieutenant Colonel Efren Salazar, Hepe ng Mlang Municipal Police Station, ang suspek na si alyas “Den”, 31 anyos at residente ng nasabing lugar.
Bandang 12:45 ng hapon nakatanggap ang nasabing istasyon ng tawag mula sa concerned citizen na mayroong lalaking nagpaputok ng kanyang baril at agad kinumpirma ang insidente.
Nakuha mula sa suspek ang isang caliber 45 na baril, tatlong magasine at 11 na bala.
Sasampahan ng kasong alarm at scandal ang naaresto at paglabag sa Republic Act 10591 o “Comprehensive Firearms and Ammunition Regulation Act”.
Mahigpit na ipinagbabawal ang pagkakaroon ng mga hindi lisensyadong baril. Ang PNP ay patuloy na magsasagawa ng mga operasyon upang masugpo ang anumang uri ng krimen sa ating pamayanan.
