Arestado ng Abuyog PNP ang isang Wanted Person na may kasong Murder matapos mahuli sa Barangay Malaguicay, Abuyog, Leyte nito lamang Disyembre 31, 2024.
Kinilala ni Police Major Luis B Hatton, Officer-In-Charge ng Abuyog Municipal Police Station, ang suspek na si alyas “Grey”, 50 anyos, magsasaka at residente ng Barangay Comun. Camalig, Albay.
Bandang 8:00 ng umaga nang maaresto ang suspek ng mga tauhan ng Abuyog Municipal Police Station, kasama ang Camalig Municipal Police Station sa bisa ng Warrant of Arrest para sa kasong Murder na walang piyansa.
Ang matagumpay na pagkakaaresto sa suspek ay patunay lamang na epektibo ang pagpapatupad ng Pambansang Pulisya sa kanilang sinumpaang tungkulin na maghatid ng serbisyo publiko para sa mas payapa, ligtas, at maunlad na Bagong Pilipinas.
Panulat ni Patrolwoman Ma. Elena B Singian
