Balanga City, Bataan (February 18, 2022) – Nagtayo ng talipapa ang mga kapulisan ng Bataan para sa mga Aeta sa Bunker Capitol, Balanga City, Bataan noong Pebrero 18, 2022.
Ang aktibidad ay isinagawa sa pamumuno ni Police Lieutenant Colonel Elias Tait, Force Commander ng Bataan First Provincial Mobile Force Company (PMFC) at sa ilalim ng pangangasiwa ni Police Colonel Romell Velasco, Acting Provincial Director ng Bataan Provincial Police Office (PPO).
Itinayo ang talipapa upang tangkilikin ng mga mamamayan sa Bataan ang produkto ng organic farming ng mga kapatid na Aeta.
Layon nitong matulungan ang mga Aeta sa kanilang pang-araw-araw na pangangailangan.
Ipinaalam din ng mga kapulisan sa mga mamamayan na ang organic farming ay nag-aambag sa pagpapagaan ng greenhouse effect, global warming at pagbabago ng klima.
Hinikayat din ang mga mamamayan na makiisa sa aktibidad ng mga kapulisan alinsunod sa isa sa mga core values ng organisasyon na “Makakalikasan” at programang “Kaligkasan” upang mapagtibay ang hangarin at kakayahan ng iba’t ibang sektor ng komunidad na mapangalagaan at muling buhayin ang maayos at magandang kalikasan.
###
Panulat ni Pat Hazel Bacarisa, RPCADU 3
