Napasakamay ng pulisya ang dalawang indibidwal sa kasong paglabag sa Republic Act 9165 sa isinagawang law enforcement operation ng Zamboanga City Police Station 6 sa Sibigtol Drive, Barangay Arena Blanco, Zamboanga City nito lamang ika-24 ng Disyembre 2024.
Kinilala ni Police Major Xyronne P Caronan, Station Commander ng Zamboanga City Police Station 6, ang mga naarestong suspek na si alyas “Ed”, 53 anyos, lalaki at alyas “Ben”, lalaki, 52 anyos at parehong residente ng Logoy Grande, Talon Talon, Zamboanga City.
Ang mga suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Patunay lamang na ang Pambansang Pulisya katuwang ang iba’t ibang ahensya ng gobyerno ay patuloy sa pagpapatupad ng sinumpaang tungkulin kontra kriminalidad na naaayon sa agenda ng gobyerno na itaguyod ang kaayusan at kaligtasan ng publiko, kapayapaan at seguridad na magkaroon ng maunlad sa isang Bagong Pilipinas.
Panulat ni Pat Joyce Franco
