Binunot at sinunog ng mga operatiba ng Benguet PNP ang tinatayang Php1,100,000 halaga ng marijuana sa magkahiwalay na plantasyon sa Sitio Gayang, Tacadang, Kibungan, Benguet noong ika-22 ng Disyembre, 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, pinangunahan ng mga operatiba ng Kibungan Municipal Police Station ang operasyon, katuwang ang mga tauhan ng Provincial Drug Enforcement Unit / Provincial Intelligence Unit, Benguet Police Provincial Office, Regional Intelligence Division, PRO-CAR at Philippine Drug Enforcement Agency- CAR.
Natuklasan ang plantasyon ng marijuana na may lawak na 1,100 metro kuwadrado, kung saan may tinatayang 5,500 piraso ng Fully Grown Marijuana Plants na may tinatayang Standard Drug Price na Php1,100,000.
Bagamat walang naarestong cultivator, agad na binunot at sinunog sa mismong lugar ang naturang marijuana.
Patuloy naman ang panawagan ng Benguet PNP sa publiko na itigil ang pagtatanim, pagdadala, at paggamit ng mga iligal na droga, lalo na ang marijuana, dahil mahigpit na ipinagbabawal ito sa ilalim ng Republic Act 9165 at may malalang parusa.
