Nasabat ng Mandaue City PNP ang higit Php30.4 milyong halaga ng hinihinalang shabu mula sa High Value Individual sa isinagawang buy-bust operation ng mga awtoridad sa M. Logarta St., Barangay Subangdaku, Mandaue City, noong ika-20 ng Disyembre 2024.
Ayon kay Police Major Lean Rey A. Endozo, Officer-In-Charge ng City Intelligence Unit / City Drug Enforcement Unit, Mandaue City Police Office, bandang 7:33 ng gabi ng ikinasa ng kapulisan ang buy-bust operation na nagresulta sa pagkaaresto ng suspek na si “Kirk”, 29 anyos, residente ng #5 Figueroa St., Barangay Sawang Calero, Cebu City.
Nasamsam mula sa High Value Individual ang siyam na plastic packs ng hinihinalang shabu na may timbang na 4.5 kilograms at may Standard Drug Price na Php30,600,000, buy-bust money, bag pack at cellphone.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pinagsanib pwersa ng CIU/CDEU, MCPO, PDEA RO7 R SET MCO at NAVFORCEN.
Ang kapulisan ng Mandaue City ay patuloy sa pagpapaigting ng kanilang kampanya kontra iligal na droga. Ito ay alinsunod sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga iligal na aktibidad at pagbuwag sa kanilang mga operasyon.
Source: MCPO SR
