Arestado ang mag-ina sa isinagawang drug buy-bust operation ng kapulisan sa pangunguna ng City Drug Enforcement Unit ng Bacolod City sa Purok Tahong, Barangay 2, Bacolod City, Negros Occidental madaling araw ng Sabado, nito lamang ika-21 ng Disyembre 2024.
Kinilala ni Police Captain David Genus L David, Assistant Chief of the CDEU ng Bacolod City Police Office ang mag-inang sina alyas “Ezel”, 48 taong gulang, at alyas “Tamtam”, 29 taong gulang, na parehong residente ng nasabing lugar.
Nakumpiska mula sa mga suspek ang siyam na pakete ng hinihinalang shabu, kasama na ang buy-bust item at Php1,000 na ginamit bilang buy-bust money.
Sa kabuuhan, nakuha ang humigit kumulang 100 gramo ng hinihinalang shabu na may drug price value na mahigit sa tinatayang Php680,000.
Patuloy ang imbestigasyon ng mga kapulisan kaugnay ng kaso habang ang mga suspek ay nasa kustodiya ng pulisya at nahaharap sa mga kasong paglabag sa ilalim ng Republic Act 9165 o ang “Comprehensive Dangerous Drugs Act of 2002”.
Ang matagumpay na operasyon ay nagpapakita ng dedikasyon ng kapulisan sa pagsugpo ng kriminalidad lalo na sa paglaganap ng iligal na droga upang magkaroon ng mas maayos at ligtas na komunidad.
Source: BCPO
Panulat ni Pat Ledilyn Bansagon
