Nasabat ang Php334,458.28 halaga ng droga sa isinagawang joint buy-bust operation ng pinagsanib na puwersa ng Dapa Municipal Police Station at General Luna Police mula sa isang High Value Individual sa Purok 1, Barangay 13, Poblacion, Dapa nito lamang Disyembre 20, 2024.
Ayon kay Police Colonel Nilo T Texon, Officer-In-Charge ng Surigao del Norte Police Provincial Office, naaresto ang suspek bandang 4:00 ng hapon at kinilalang si alyas “Ernie”, 40 anyos, walang trabaho, at residente ng Barangay 13, Dapa, Surigao del Norte.
Sa operasyon, nakumpiska ang 14 na piraso ng hinihinalang shabu na may timbang na 50.6596 gramo at may kabuuang halagang Php334,485.28; dalawang gramo ng marijuana na may halagang Php240; marked money na nagkakahalaga ng Php2,500; Cash na Php2,300; at iba’t ibang drug paraphernalia.
Mahaharap sa kasong paglabag sa Republic Act 9165 o ang “Comprehensive Dangerous Drugs Act of 2002” ang suspek.
“The Surigao del Norte PNP will continue to intensify operations, strengthen law enforcement, and collaborate with the community to shut down drug dens and eliminate the threat of illegal drugs in the province. We call on everyone to unite in the fight against illegal drugs as we work towards a safer, drug-free Surigao del Norte,” ani PCol Texon.
Panulat ni Pat Karen Mallillin
