Umarangkada ang Gift Giving on Wheels ng Tarlac PNP sa iba’t ibang barangay ng Tarlac City para sa mga residenteng indigent o lubos na nangangailangan nito lamang Huwebes, ika-19 ng Disyembre 2024.
Ang naturang aktibidad ay pinamunuan ni Police Lieutenant Colonel Edison C Pascasio, Chief, Provincial Police Strategic Management Unit, katuwang ang mga miyembro ng Provincial Advisory Group for Police Transformation and Development (PAGPTD).
Nakataggap ang 100 benepisyaryo ng “Buena Noche” package at dalawang kilong bigas na lubos na ipinagpapasalamat at ikinatuwa ng mga benipisyaryo.
Layunin ng aktibidad na maipadama ang malasakit at pagkalinga sa mga mamamayan, at iparamdam na hindi sila nakakalimutan, lalo na ngayong panahon ng Kapaskuhan.
Isang patunay na ang Pambansang Pulisya ay tunay na naglilingkod sa bayan sa pamamagitan ng pagsusulong ng mga programa at aktibidad na tumutugon sa pangangailangan ng mga mamamayang lubos na nangangailangan.
Panulat ni Pat Pearl Crystalynne Javier
