Arestado ng Talibon PNP ang isang indibidwal na nagtutulak ng droga matapos mahulihan ng ilang pakete ng hinihinalang shabu sa isinagawang buy-bust operation ng mga operatiba sa P3, Balintawak, Talibon, Bohol, noong ika-16 ng Disyembre 2024.
Kinilala ni Police Major Romar Tuppal Labasbas, Chief of Police ng Talibon Municipal Police Station, Bohol Police Provincial Office, ang suspek na si alyas “Dante”, 27 anyos, isang pusher, at residente ng Purok 4, San Agustin, Talibon, Bohol.
Ayon kay PMaj Labasbas, bandang 12:08 ng tanghali ng ikinasa ng kapulisan ang buy-bust operation na nagresulta sa pagkaaresto ng suspek at pagkasabat ng pitong pakete ng hinihinalang shabu na may timbang na 1.6 gramo at may Standard Drug Price na Php10,880 at buy-bust money.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng maayos na pagpapatupad ng kapulisan ng Talibon sa kampanya kontra ilegal na droga at lahat ng uri ng kriminalidad upang tuluyang masugpo ang ipinagbabawal na droga, tungo sa maunlad na Bagong Pilipinas.
Source: Talibon MPS SR
