Nakumpiska ang Php680,000 halaga ng hinihinalang shabu, kasama ang baril sa isang suspek sa isinagawang buy-bust operation ng Tagoloan Municipal Police Station sa Poblacion, Tagoloan, Misamis Oriental nito lamang ika-16 ng Disyembre 2024.
Kinilala ni Police Major Renz Marion Serrano, Chief, Tagoloan MPS, ang naarestong suspek na si alyas “Tobing”, 33 taong gulang, residente ng nasabing lugar at kinilalang Newly Identified Drug Suspect.
Ayon kay PMaj Serrano, nakumpiska mula sa suspek ang 16 na malalaking pakete ng hinihinalang shabu na may humigit kumulang 100 na gramo at may street value na Php680,000, isang digital weighing scale, isang plastic container, isang sling bag, isang caliber .22 mini revolver at isang Php500 bill na ginamit bilang buy-bust money.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002” at RA 9165 o “Comprehensive Firearms and Ammunition Regulation Act”.
Patuloy ang Northern Mindanao PNP sa pagtupad ng tungkulin sa pagpuksa ng mapanganib na iligal na droga upang mapanatiling ligtas at payapa ang pamayanan.
