Arestado ng Benguet PNP ang isang High Value Individual at nasamsam ang mahigit Php894,132 halaga ng shabu sa Palasaan, Mankayan, Benguet nito lamang ika-16 ng Disyembre 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, matagumpay ang pagpapatupad ng search warrant dahil sa pagtutulungan ng mga operatiba sa pangunguna ng Provincial Drugs Enforcement Unit / Provincial Intelligence Unit ng Benguet PPO katuwang ang Mankayan Municipal Police Station at Regional Mobile Force Battalion 15.
Nagresulta ang operasyon sa pag-aresto sa isang High Value Individual na kinilalang 46 taong gulang, magsasaka at residente ng Palasaan, Mankayan, at pagsamsam ng mahigit kumulang na 131.49 gramo ng hinihinalang shabu na may Standard Drug Price na Php894,132 at iba pang non-drug items.
Ang Pambansang Pulisya katuwang ang iba’t ibang ahensya ng pamahalaan ay patuloy sa pagpapaigting ng kampanya kontra iligal na droga alinsunod sa isa sa pangunahing prayoridad ng administrasyon na labanan ang mga sindikato ng droga sa pamamagitan ng pagpigil sa kanilang mga iligal na aktibidad at pagbuwag sa kanilang mga operasyon.
Panulat ni Patrolwoman Jomalyn Cacanindin
