Nasabat ang Php985,728 halaga ng shabu habang arestado ang isang lalaki sa isinagawang drug buy-bust operation ng pulisya sa Barangay Poblacion Dalican, Datu Odin Sinsuat, Maguindanao del Norte nito lamang ika-16 ng Disyembre 2024.
Kinilala ni Police Lieutenant Colonel Esmael A Main, Chief of Police ng Sultan Kudarat Municipal Police Station, ang suspek na si alyas “Bong”, nasa wastong gulang at residente ng Barangay Bunged, DOS, Maguindanao del Norte.
Nagresulta ang operasyon sa pagkakakumpiska ng 144 gramo ng hinihinalang iligal na droga at nagkakahalaga ng Php985,728.
Patuloy na hinihikayat ng PNP ang publiko na makipagtulungan sa mga awtoridad sa pamamagitan ng pagbibigay ng impormasyon ukol sa mga iligal na aktibidad upang mapanatili ang kapayapaan at kaayusan sa ating mga komunidad.
Panulat ni Patrolwoman Veronica Laggui
