Tinatayang Php544,000 halaga ng shabu ang nasamsam sa isang Top 10 High Value Individual na Regional Priority List Target sa isinagawang joint buy-bust operation ng mga awtoridad sa Barangay Santiago, Iligan City nito lamang ika-15 ng Disyembre 2024.
Kinilala ni Police Lieutenant Colonel Ramon Christian S Laygo, Hepe ng Regional Police Drug Enforcement Unit 10, ang drug suspek na si alyas “Jay”, 29 anyos at residente ng nasabing lugar na tinaguriang Top 6 PDEA List Target sa City Level at Top 10 High Value Individual naman sa Regional Level.
Bandang 1:09 ng madaling nang ikasa ang joint buy-bust operation ng mga operatiba ng Regional Police Drug Enforcement Unit 10 katuwang ang Iligan City Police Station 1 – Drug Enforcement Unit at Regional Intelligence Unit 10 na nagresulta sa pagkakaaresto ng HVI na suspek.
Sa operasyon ay nakumpiska ang siyam na pakete na hinihinalang shabu na may bigat na 80 na gramo na may street value na Php544,000; isang disposable lighter; isang pitaka at Php500 bill na ginamit bilang buy-bust money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy na magsasagawa ng mga operasyon ang PRO 10 laban ilegal na droga at hinihikayat din ang publiko na patuloy na makipagtulungan upang makamit ang ligtas at payapa ang buong rehiyon ng Hilagang Mindanao.
