Namahagi ang Police Community Affairs and Development Group sa pakikipagtulungan ng Junca Group of Companies, na pinamumunuan ni Dr. Hisayuki Nagatome, ng humigit kumulang 3000 piraso ng tinapay sa ating mga kababayan na lubhang naapektuhan ng pandemya, kabilang na dito ang mga nakatira sa lansangan at mga kapos palad noong ika-30 ng Setyembre taong kasalukuyan.
Namahagi rin sila sa ating mga kasamahang pulis na nagpositibo sa COVID-19 na kasalukuyang nagpapagaling sa quarantine facility sa Camp BGen Rafael T Crame, Quezon City.
Pinangunahan ni PCol Joel T Ada, Chief, Community Assistance and Development Division, Police Community Affairs and Development Group ang turn-over ng mga naipamahaging tinapay.
Ito ay parte pa rin ng proyektong BARANGAYanihan ng Philippine National Police sa patuloy na pag-aabot ng tulong at suporta sa ating mga kababayan lalo na ngayong panahon ng pandemya .
####
Article by: Patrolman Jonel R Jarabe
