Nasabat ng Iligan City Police Station 6 kasama ang Iligan City Mobile Force Company, Task Force Kinaiyahan, Community Environment and Natural Resources Office (CENRO), Mines and Geosciences Bureau (MGB), at CEMO Quarry and Mines ng Iligan ang higit 100K na halaga ng illegal mining materials sa Sitio Loklok at Sitio Caribao, Barangay Mainit, Iligan City noong December 13, 2024.
Ayon kay Police Brigadier General Jaysen C De Guzman, Regional Director ng Police Regional Office 10, ang unang operasyon ay isinagawa sa Sitio Loklok kung saan nadiskubre ang 6 rod mills, 10 steel rods, isang Voda machine, isang spinning wheel at 14 pump belts na may kabuuang halaga na aabot sa Php67,400.
Ang ikalawang operasyon ay isinagawa sa Sitio Caribao kung saan nadiskubre ang apat (4) na rod mills, apat (4) na steel rods, at isang (1) spinning wheel, na may kabuuang halagang Php40,000. Sa kabuuan ang mga nasabat na illegal mining materials ay Php107,400.
Sa huli ay pinaalalahanan ni PBGen De Guzman at binigyang diin ang kahalagahan ng ganitong mga operasyon sa pangangalaga sa ating kalikasan. “PRO 10 will continue to strengthen partnerships with government agencies and stakeholders to put an end to these unlawful activities, ensuring the preservation of our environment for future generations”.
