Nasabat ng kapulisan ng Central Visayas ang Php51 milyong halaga ng hinihinalang shabu mula sa High Value Individual na suspek sa isinagawang buy-bust operation sa N. Bacalso Street, Barangay Mambaling, Cebu City, noong ika-13 ng Disyembre 2024.
Kinilala ni Police Lieutenant Colonel Jomar P Dela Cerna, Chief ng Regional Police Drug Enforcement Unit 7, Police Regional Office 7, ang suspek na si “Jotex”, 54 anyos na residente ng Avocado Street, Barangay Mambaling, Cebu City.
Bandang 5:00 ng umaga ng ikinasa ng kapulisan ang buy-bust operation na nagresulta sa pagkaaresto ng suspek at pagkasabat ng walong plastic pack ng hinihinalang shabu na may timbang na 7.5 kilograms at may Standard Drug Price na Php51,000,000, buy-bust money, at bag pack.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pinagsanib pwersa ng RPDEU 7, PNP DEG SOU7, Police Station 11, CCPO at PDEA 7.
Ang kapulisan ng Central Visayas ay patuloy sa pagpapaigting ng kanilang kampanya kontra iligal na droga. Ito ay alinsunod sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga iligal na aktibidad at pagbuwag sa kanilang mga operasyon.
Source: RPDEU 7 SR
