Kalaboso sa isinagawang foot patrol ng tauhan ng Taguig City Police Substation 4 ang dalawang indibidwal at nakumpiska ang tinatayang Php408,000 halaga ng shabu nito lamang Lunes, Disyembre 9, 2024.
Kinilala ni Police Brigadier General Bernard R Yang, District Director ng Southern Police District, ang mga suspek na sina alyas “Ryan” at alyas “Jefferson”, 32, na nadakip sa Barangay Sta. Ana, Taguig City.
Nakumpiska ang pitong (7) heat-sealed transparent plastic sachets at isang knot-tied transparent plastic sachet na naglalaman ng hinihinalang shabu na humigit-kumulang 60 gramo at tinatayang may street value na Php408,000, isang itim na pouch at isang maroon pouch.
Nahaharap naman sa kasong paglabag sa Republic Act 9165 o “Comprehensive Dangerous Drugs Act of 2002” ang mga nahuling suspek.
Tinitiyak ng SPD na hindi palalampasin ang ganitong mga ilegal na aktibidad at susupilin ang mga sindikato ng droga para sa ikakatahimik at ikakaunlad ng ating lipunan.
Source: SPD PIO
Panulat ni PSSg Remelin M Gargantos
