Arestado ang dalawang lalaki matapos makuhanan ng hindi lisyensyadong baril sa Barangay Katipunan, Kidapawan City, Cotabato nito lamang Disyembre 6, 2024.
Batay sa ulat, dakong 11:40 ng gabi nang dinala ng Barangay Chairman ng Katipunan sa Kidapawan City Police Station, ang mga suspek na sina alyas “Cliff”, 31 anyos, residente ng Barangay Katipunan Kidapawan City; at si alyas “Elmer”, 49 anyos, na residente naman ng New Cebu, President Roxas, Cotabato.
Narekober mula kay alyas “Clifford” ang isang unit ng Armscor 9mm revolver na may serial number 6214 at isang bala, habang isang unit naman ng .38 caliber revolver na walang serial number na may kasama ring isang bala ang narekober kay alyas “Elmer”.
Parehong nabigo ang dalawang suspek na magpakita ng kaukulang dokumento sa dalang baril at parehong mahaharap sa kasong paglabag sa Republic Act 10591 o ang “Comprehensive Firearms and Ammunition Regulation Act”.
Patuloy ang panawagan ng PNP sa publiko na makipagtulungan sa mga ahensya ng pamahalaan para sa mabilisang pagsugpo ng mga krimen at paghuli sa mga lumalabag sa batas, at kaagad na iulat sa kinauukulan ang anumang mga kahina-hinalang kilos.
